حبيبي لا تعذبنـــــــــــــي ,

نسر الارض السبت مايو 07, 2011 3:05 pm

قصيدة حبيبي لا تعذبني

حبيبي لا تعذبني كفى ليلي سهر وهموم
كفاني كل جمرة بالحشى من حبك العذري
ابد ماعاش لك همٍ وانا حي بهذاك اليوم

تصبر كاني اخطيت وتجمل يابعد عمري
وابد لا تطري الفرقا وانا روحك وانا لك توم
فداك احساسي ونبضي وروحي وكلي وشعري
هلابك ياهلابك وياهلا بالجادل المهضوم

هلا يامهجة روح الحزينه وليت بي تدري
تراني لي لمحتك خافقي فرحه يفز يقوم
مثل هاوي قنص لاشاف من عقب التعب عثري
سحرني طرفك الناعس وهيج عاشقن مغروم

انا لو ماعرفك قلت معك الخاتم السحري
عرفتك مطلع الشمس شعليهن صرت بك منجوم
اتصدق امي اناديها يبه مره وانا اهذري
حبيبي لا تظن ان الحب مابيني وبينك لوم

ترى مابيننا لوم وزعل يا كادي وعطري
يمين الله عليك احلف حياتي يا حياتي دوم
ولا غيرك شغل بالي لا في جهري وسري
تراني مت من حبك وسمو عاشقك مرحوم
يكفيني حبيبك شاهدن يكتب على قبري

**المدير العام** الإثنين مايو 09, 2011 2:07 pm

يسلموووووووووووووو اخي نسر ابيات جميله

نسر الارض الإثنين مايو 09, 2011 2:58 pm

الله يسلمك اخي المدير
العام نورت صفحتــــــي

حبيبي لا تعذبنـــــــــــــي ,

حبيبي لا تعذبنـــــــــــــي ,

رد: حبيبي لا تعذبنـــــــــــــي ,

رد: حبيبي لا تعذبنـــــــــــــي ,